[pb_info]

Healthy relationship and friendship

  • Kico ta Relacion?
  • Relacion No ta solamente relacion sexual.
  • Bo tin relacion cu bo mayornan, cu bo amigo/anan, cu bo famia, ambiente, scol.
  • Den bo adolencia hopi cos ta cambia internamente y externamente y bo personalidad ta cambia
  • No ta un sorpresa cu ora bo ta crece ta bin cambio , pues tambe den bo relacion cu otro. Bo lo kier mas independencia for di bo mayornan, bo ta forma bo mes un identidad y bo ta cuminsa interesa bo mes den e sexo opuesto ( Guy/chick) . Y bo ta cuminsa precupa bo mes con bo ta ziet eruit!!
  • Bo ta cuminsa wak otronan y bo ta check si nan tambe tin e mes un interes cu bo den musica, bistimento y hasta comportacion.
  • Bo ta mas consiente di kico ta ser un hoben, bo ta rebeldia contra bo mayornan, pues pasobra nan ta pone limitinan pa bo y abo kier mas indepencia.
  • Amigonan di antes ta pasa pa olvido y awor bo ta tin interes pa otro peers y asina tambe relacion nobo ta nace basa ariba atraccion sexual
  • Asina bo ta confronta diferente pregunta: E chick o e guy ey ta gustami, e ta hayami hip of leuk? Con mi ta haya sa y kico mi ta haci cu e sentimiento aki?
  • Bo relacionnan ta cambia e relacion cu bo mayornan o amigonan tur ta yena diferente nececidad ( Mayornan :afecion, identificacion, balornan/ amigonan: sinti bo parti di e grupo, companerismo y tambe critica )
  • Durante e periodo hopi hoben ta bezig pensando ariba un relacion romantico.
  • E deseo pa atrae e sexo opuesto tey constantemente. Tin di nan ta cuminsa basila y tin un plan con pa conqista e chick of guy.
  • Tin otro ta pensa solamente ariba e parti sexual y nan kier skip tur e otro parti di siñia conoce otro prome, papia di sex, prome cu bai den accion
  • Basila y flirt ta manera great pa conoce otro. Y ademas e ta exitante. Bo kier siñia conoce e otro persona miho.
  • No laga e balornan aki bai perdi y corda cu hopi biaha ta sosode cu e persona cu bo ta haya leuk, stima , bira loco pe, NO ta e persona cu lo bo comparti bo bida cu ne.
  • Enamoramento y stimacion tin ora ta pasahero o ta caba y despues bo ta namora di otro. Lo ta great pa bo tene esaki den mente y no corre entrega bo mes, bou di presion, pasobra bo tin miedo di no tin un guy of chick of pasobra e persona ta exigi esaki dibo. Haci bo propio escojencia, scucha e stem den bo paden!!!
  • Kico ta un relacion y amistad sano?
    – Ora cu bo ta sinti bo bon cu bo mes
    – No presiona of obliga
    – E persona sea amigo/a, guy /chick tin respet pa bo sintimiento, bo balornan, acepta bo manera di pensa
    – Ta balora bo pa ken bo ta paden y pafor, pues no solamente pa bo bunitesa di pafor.
    – Ta laga bo sinti special y yuda bo desaroya positivamente.
    – Principalmente NO ta obliga bo pa haci nada contra bo boluntad. E no ta facil pasobra tin ora e hormonnan ta ‘brabo’ y ta dificil pa bo bisa NO o abstene di tene relacion sexual . Pasobra Sex ta igual na atencion y acceptacion. E pensamento cu tur hoben ta hacie o pasobra e ta “ Cool”. Y ken di nos no kier wordo accepta , ta in???

  • Pero bo no ta un nerd of ‘alien’ si bo no kier haci sex ainda. Tin diferente manera pa bo cu bo pareha pasa momentonan dushi cu otro. Algun manera:

    – Frei y namora sin cu tin cu yega na haci sex
    – Tin diferente manera pa pasa leuk y siñia conoce otro. Hasta mishi , caricia y hunga cu otro – Masturba

    Pa algun hoben sexualidad tin un dimension spiritual y mester respeta esaki. Tin ta pensa:
    – Ami lo kier disfruta di sex ora mi ta casa o adulto cu mas experencia di bida y den un relacion serio.
    – Tin otro ta pensa cu ainda nan no ta cla pa e stap grandi di tin sex na un edad hopi jong, door cu nan ta sinti cu nan virginidad (guy o chick) tin hopi balor y ta special.
    – TPH kier invatisa cu ta OK cu bo kier disfruta di bo hubentud sanamente, sin ningun complicacion y problema. Ta OK pa bo tene bo mes na bo balornan y pensamento y si bo no ta cla pa sex bisa NO ami no ta cla pa sex.

    Informacion si bo kier ta sexualmente activo
    – Tin otro hobennan pa cualkier otro motibo si kier ta sexualmente activo, ta escojencia di cada persona. Por tin diferente motibo tambe, pero ta importante pa bo papia di sex cu bo pareha y no djies yega haci. Busca tur informacion den buki/ ariba internet y sa kico abo lo kier haci.
    – Un punto hopi importante busca informacion di SAFE SEX, no solamente de pil, pero tambe condom. Consejabel awendia pa usa tur dos.
    – Ora bo kier ta sexualmente activo, busca informacion na Famia Planea of dokter di cas, pa bo haya informacion correcto di anti-conceptivo, pasobra tin hopi pensamento robes o bo friends ta bisa bo: ‘cu si bo usa de pil, bo no por haya yiu despues of tin side effect etc’.
    Corda cu nan no ta dokter y nan NO tin informacion correcto y corda cu carni cu carni/ cuero

    cu cuero semper tin consequencia, bo por sali na estado y wordo contagia cu malesa, pasobra
    bo NO ta 24 ora cu bo pareha.
    Relacion amoroso cu ta bai robes y e relacion no ta sano:
    – ☻ Maluso sexualmente
    – ☻ Intimidad no desea
    – ☻ Violencia sexual
    – ☻ Violacion
    – ☻ Incest
    – ☻ Date rape drug
    – ☻ Teen dating Violence
    – ☻ Cyberstalking ( Via mails, internet)
    Pa finalisa corda cu abo tin bo futuro den bo man, bo ta autor di bo bida y bo ta doño di bo curpa,
    pues bo ta responsabel pe.

Telefon Pa Hubentud © 2019