[pb_info]

Self-esteem (Imagen Propio)

Con bo ta mira bo mes?

E manera cu nos ta wak nos mes ta hopi importante. (E manera cu nos ta percibi / mira nos mes). Tambe e manera cu nos ta comporta y tuma pa expresa nos mes, tin di aber cu cosnan cu nos a maak mee, di chiquito te awor. Pues tur locual cu nos a biba sea malo o bon tin impacto ariba ken nos ta awe!!

No ta facil pa los nos mes di nos pasado, pero ta importante pa nos ta consiente cu nos a wordo condiciona door di esaki.

Kico mi kiermeen cu condiciona? Pues tur locual cu nos a siña for di chiquito, tur nos experiencianan y locual cu nos a pasa aden sea malo o bon a forma nos. Si bo ta consiente di esaki bo por bai compronde cu otro hende mescos cu bo tin un manera di wak y deal cu locual ta pasando cu nan.

Esey kiermeen cu nos niun ta mira otro mescos. Nos por wak e mes un cosnan pero nos ta interpreta esaki nan diferente manera.

Un ejempel: Boso tur a tende di e storia di Roodkapje y e wolf. Semper e lobo a wordo mira como e agresor y esun cu mal intencion pa come Roodkapje. Pero si mi conta e storia di e forma aki pues cu e Roodkapje a cana den mondi cuminsa piki flor, haciendo nan dolor, despues rancando e frutanan di e palo y matando tambe tur e moskita, sangura y cu e wolf a wak esaki y e di cu ta bai dune un les, pues spante un tiki.

  • Y asina e wolf bai na e cas di e wela y el conta e wela kico e la mira su nieta a haci y nan a dicidi cu nan lo bai dune un les. Y ora cu e wolf ta drumi ariba cama manera cu e ta wela, Roodkapje ta bise bo oreanan, bo boca y bo diente ta mahos. E wolf a rabia y grunj’e, pero su intencion no ta pa come Roodkapje. E mucha a spanta cuminsa grita y asina un persona a drenta y sin cu e sa kico a pasa kier a mata e wolf y asina e wolf a core sali bai y den historia nunca nan a conta e
    otro banda di medaya.
  • Pues asina tambe ta pasa hopi biaha den caso di diferente persona, semper ta focus solamente ariba un parti so di locual cu a tuma lugar den bida di e hende. Pesei ta importante pa abo conoce bo mes y sa ken bo ta. Pasobra otro hende por bisa cu abo ta tal y tal y dor cu nunca bo a tuma echt tempo pa bo sa ken bo ta, bo ta bai kere esaki. Y sin cu bo sa bo ta pensa a wel ta asina mi ta.
  • Por ejempel nan ta bisa bo ta teribel, o bo ta un choller o bo ta un mal hende, ladron, drogadicto etc. door cu bo a haci algun cosnan cu berdad no ta bon y bo haya bo cu problema p.e. cu justicia, pero esey no kiermeen cu asina abo ta.
  • Talbes banda cu bo a comporta bo mes malo o horta, bo ta un persona masha cariñoso, semper cla pa yuda bo amigonan, y semper bo ta para cla pa yuda nan, bo no a pensa cu dor di mal comportacion bo por haya bo mes den un problema, perde confiansa di bo mayornan o perde un bon amigo/a. Talbes bo a haci consientemente tambe, pero esey no kiermeen cu bo personalidad solamente tin cosnan malo. Tin hopi cosnan bon cu otro no ta mira.
  • Pues con a bo ta mira bo mes esey ta importante. Tin di nos ta consiente di dje otro cu no. Tin di nos ta pensa cu asina mi ta, manera cu e hende nan ta mira mi: un hoben cu a perde tur perspectiva, pues nada no tin balor o ta importante pa mi. E unico cos cu mi kier ta sobrebibi, pues keda na bida y si mi tin cu bringa, ta agresivo, haci consnan cu no mag mi lo haci esaki y
    laga nan sigi pensa cu ta asina mi ta.
  • Un hoben consiente di su mes, ta pensa y mira su mes otro di locual cu hende nan ta mira. E sa
    ken e ta bou di tur e capanan di tofheid, frescura y hasta tin ora agresivo.
  • Pero e ta consiente cu e tin parti(nan) positivo y bondadoso cu hopi hende no ta mira y cual tambe tin ora e no kier demostra, pasobra e ta un forma di proteccion tambe. Esaki tin di aber cu miedo tambe. Pues tur e capanan aki ta duna bo un sierto di seguridad y control.
  • E parti importante di propio estima ta:pa bo conoce bo mes bon y sa ken bo ta.
  • Esey kiermeen pone un spiel bo dilanti, no ta nos tur ta gusta esaki. Pasobra e por haci bo dolor, tin di nos a blokea tur esaki y no kier pensa mas ariba dje.
  • Pero pa bo cura /heal bo mes, bo mester bai den bo paden y scucha bo mes y asina sa kico bo kier.
  • Oa bo hacie esaki tin ora bo no ta gusta locual bo ta scucha y mira y bo kier cambio.
  • Bo ta pensa mi no kier ta e persona cu tur hende ta bisa/ pensa cu mi ta? Mi sa ken mi ta, bo ta corda bek tempo bo tabata contento y orguyoso ariba bo mes y bo kier un cambio pa mihor
  • Si bo no ta contento cu bo mes y bo kier mira cambio den bo bida personal y pa esaki bira
    posibel:
    – BO MESTER KIER CAMBIA
    – BO MESTER SA CON PA HACI E CAMBIO
    – BO MESTER DUNA BO MES E OPORTUNIDAD.

    Ta importante si pa bo ta consiente:

    – Cu un otro hende no por haci esaki pa bo y cu tin ora e manera cu bo ta mira bo mes no ta cuadra cu e berdad, e ta locual cu bo a wordo condiciona pa ta.

    – Ta importante tambe pa bo sa cu ami no kier cambia bo, loke si mi kier pa bo check pa bo mes ta,kico ta strobando bo pa haci e cambio y cu si bo dicidi di cambia bo ta haci esaki pasobra bo kier y dor di bo propio boluntad.

    – Pasobra si bo ta hacie djes pa complace hende y e no ta sali di bo mes . E no ta bale la pena.

  • Pa bo logra tur esaki na prome lugar bo mester stima bo mes, pasobra si bo warda of depende cu otro mester stima bo prome, pa asina bo por sinti bo bon. E no ta logra. Stima y balora bo mes prome y asina otronan lo haci esaki tambe. Amor ta e essencia di bo ser. Corda cu no tin un otro ser manera bo, bo ta unico y autentico y nunca ta lat pa cuminsa di nobo.
Telefon Pa Hubentud © 2019